من أرشيف القهر في الربع الأول من 2019: شهادات معتقلين سابقين
يناير - فبراير - مارس 2019
“خلال كل ده احنا كلنا باصين في الأرض بأوامرهم عشان اللي كان يفكر يبص على حفلة الضرب اللي شغالة من غير ما يعترض حتى كانت الحفلة هتتنقل عليه، دي كانت من أكتر اللحظات اللي حسيت فيها بالعجز في حياتي، يوم الترحيلة دي أمي انهارت في الشارع قدام القسم لما عرفت اننا اترحلنا بعد ما كنا مشينا من القسم بحوالي ٨ ساعات ومكانوش راضيين يقولوا هما رحلونا على فين، في آخر اليوم ده لما ندهوا على أسامي اللي اترفضوا من السجن الأول قبل اللي اتقبلوا وأنا وطاهر وسام وعم عادل كنا منهم كان هيحصلي حاجة من الرعب لحد ما قالوا اللي اتنده على اسمه يلف وشه ناحية الباب ساعتها حسيت اني اتولدت من جديد”