يدعو مركز النديم لعلاج وتأهيل ضحايا العنف كافة المهتمين بمناهضة التعذيب من مؤسسات حقوقية وإعلامية، للتضامن مع المواطن شادي ماجد سعد زغلول و زوجته، حيث تم القبض عليه و تعذيبه بقسم 6 أكتوبر ثان .إلا أنه وبعد عرضه على النيابة وإثبات ما به من إصابات وعرضه على الطب الشرعي تعرض مرة أخرى للتعذيب داخل القسم وهو ما نتج عنه إصابات جديدة عرض بها مرة أخرى على الطب الشرعي بعد ما تقاعس القسم عن تنفيذ تأشيرة النيابة. وما إن خرج شادي حتى قاموا بالضغط عليه بكافة الوسائل وكان آخرها اقتياده من أمام النيابة هو وزوجته وطفلتهما الرضيعة إلى ديوان القسم واحتجازهم جميعا بالقسم لمدة ثلاثة أيام حتى اضطر شادي للتنازل عن شكواه ضد الضباط أمام النيابة.
وقد عاد شادي ليثبت أن تنازله قد تم تحت ضغط وهو ما دفع النيابة إلى إحالة الضباط الثلاثة شريف سمير أحمد متولي،حازم بلتاجى إبراهيم ،أحمد سمير شعبان إلى المحاكمة بتهمة استعمال القسوة والاحتجاز بدون وجه حق، وتنظر أولى جلسات هذه المحاكمة يوم الاثنين الموافق 7 ديسمبر 2009 أمام محكمة جنح 6 أكتوبر.
خلفية
شادي ماجد سعد زغلول شاب مصري، متزوج وله طفلة، يعمل منذ الصغر ويدرس حاليا في السنة الثالثة بكلية الحقوق، جامعة القاهرة. كان شادي يسك مدينة 6 أكتوبر مع أسرته إلى أن اضطر إلى تركها بعد ما تعرض له من هوان وتعذيب وملاحقة على يد ضباط شرطة قسم 6 أكتوبر ثان: النقيب شريف سمير وملازم أول حازم بلتاجي وملازم أول سمير شعبان!
يقول شادي:
يوم 14 أكتوبر 2007 وقفوني (شريف سمير والأمناء) في ميدان فودافون، شافوا البطاقة والرخصتين وقالوا ح تيجى معانا، رفضت لأنه مافيش سبب، ضربونى في الشارع قدام الناس، أقلام وشلاليت وشالوني على البوكس. عرضوني نيابة، واتهموني زور بالاتجار في المخدرات والحرز 4 حم حشيش و 10 جنيه. وكيل النيابة سألني عن الكدمات اللي في وشى، قلت له ضربوني، فتح محضر تانى على أساس إني مجني عليا وأمر بعرضي على الطب الشرعي، وأمر بحبسي احتياطي 4 أيام. عرضوني على الطب الشرعي يوم 17/10/2007 واخدت تجديد حبس تاني 15 يوم. رجعت القسم.
عشر أيام وهم بيضربوني كل يوم.. كل ليله يا خدونى من الحبس على المباحث ويضربوني.. يغمى على ينزلونى الحجز.. المحبوسين يفوقونى.. يرجعوا ياخدونى تاني.. ضربوني بالشوم والخراطيم وغطا أسلاك الكهرباء.. على ضهرى ورجلي.. وأنا متعلق.. إيديا مربوطين في بعض تحت ركبي، وبينهم عصايا طويلة.. كل طرف من العصايا على سرير… كانوا عاوزنى أتنازل عن شكوى الضرب واعترف على جريمة سرقة. حاولوا يعالجوني لأنهم بدءوا يخافوا يجرى لي حاجه.. أنا رفضت العلاج، لكن طلعوا ورقة من المستشفى فيها انى وقعت في الحمام وحصل لي كدمات في ضهرى ورجلي.
لما تعرضت نيابة نفيت حكاية الوقوع في الحمام وقلت الحقيقة، إن اللي ضربني الضباط الثلاثة وأمناء ما أعرفش أسمائهم وطلبت عرض طب شرعي تاني.. عرضوني يوم 28/10/2007 وأنا عندهم نزلوا اسمي في قضية سرقة، ويوم الجلسة، 17/10/2007 ، لم يرسلوني لحضور جلسة المحكمة وتم تسجيلي “متهم هارب”.. وتم إخلاء سبيلي 31/10/2007. لما خرجت ، غيرت مكان اقامتى عشان خايف من تهديداتهم، عايز آكل عيش.
يوم 10 مارس 2008 رحت النيابة اشتكى من تهديدات بتوصلنى في رسائل على تليفوني المحمول وكنت واخد مراتى وبنتي معايا، بخاف عليهم واتحرك معاهم دايما. (البنت كان عمرها شهور).. وكيل النيابة سجل الشكوى والرسائل وأرقام التليفونات اللي اتبعتت منها وأمر بالاستعلام عن أصحاب التليفونات.. وأنا نازل اخدوني أنا ومراتى وبنتي على القسم.. خلونى في المباحث 4 أيام.ز المرة دي من غير ضرب.. لكن تهديدات وضغط عشان أتنازل.. ومن خوفى على بنتى ومراتى وافقت على التنازل، ورحت مع المخبر للشهر العقاري عملت توكيل لمحامى من طرفهم.. ورجعت القسم اخدت بنتى ومراتى.. يوم 5/4/2008 رجعت النيابة وقلت انى تنازلت تحت الاكراه